ആദ്യനാള് നൂല്പ്പരുവം, രണ്ടാംനാള് തിരിപ്പരുവം, മൂന്നാം നാള് കാന്താരി പരുവം, നാലാം നാള് കറിപ്പരുവമെന്നാണ് ചൊല്ല്. അഞ്ചാം നാള് മുതല് കായ മൂത്ത് തുടങ്ങും. കായ നന്നായി മൂത്താല് കറിവെക്കാന് കൊള്ളില്ല.
By Harithakeralam
പേരില് മാത്രം വഴുതനയോട് സാമ്യമുള്ള വള്ളിച്ചെടിയാണ് നിത്യവഴുതന. വളരെ വേഗം പടര്ന്നു പന്തലിച്ച് നിത്യവും വീട്ടാവിശ്യത്തിനുള്ള കായ്കള് തരുന്നതു കൊണ്ടാണിതിനു നിത്യവഴുതനയെന്ന നാമകരണം ലഭിച്ചത്. ഇംഗ്ലീഷുകാര് ഇതിനെ ക്ലോവ് ബീന്സ് എന്നാണ് വിളിച്ചുവരുന്നത്. ആദ്യനാള് നൂല്പ്പരുവം, രണ്ടാംനാള് തിരിപ്പരുവം, മൂന്നാം നാള് കാന്താരി പരുവം, നാലാം നാള് കറിപ്പരുവമെന്നാണ് ചൊല്ല്. അഞ്ചാം നാള് മുതല് കായ മൂത്ത് തുടങ്ങും. കായ നന്നായി മൂത്താല് കറിവെക്കാന് കൊള്ളില്ല.
പ്രത്യേകിച്ചു പരിചരണമൊന്നും വേണ്ടാത്ത ഈ ചെടിക്ക് കീടങ്ങളുടെ ആക്രമണവും വളരെ കുറവാണ്. ഒരിക്കല് നട്ടാല് അതിന്റെ വിത്തുകള് മണ്ണില് കിടന്നു വീണ്ടും തനിയെ വളര്ന്നു വരും. തോരന്, മെഴുക്കുപുരട്ടി / ഉപ്പേരി എന്നിവയാണ് ഇത് കൊണ്ട് ഉണ്ടാക്കുന്ന പ്രധാന വിഭവങ്ങള്. നിത്യവഴുതന. ഗ്രാമ്പുവിന്റെ ആകൃതിയിലുള്ള കായ്കളാണ് വള്ളികളിലുണ്ടാകുക. പ്രമേഹത്തിന്റെ അളവ് കുറയ്ക്കാന് നിത്യവഴുതന നല്ലതാണ്. പണ്ട് കാലത്തു നാട്ടിന്പുറങ്ങളിലെ വീടുകളില് സാധാരണമായിരുന്നു നിത്യവഴുതന. വളരെ എളുപ്പത്തില് വേലികളിലും മതിലിലും പടര്ന്നു പന്തലിക്കും. നട്ടു ചുരുങ്ങിയ സമയം കൊണ്ട് വള്ളികള് വളര്ന്നു കായ്കളുണ്ടാകും. പൂക്കളാണ് പിന്നീട് കായ്കളായി മാറുന്നത്. വൈകുന്നേരങ്ങളില് വിരയുന്ന പൂവിന് വയലറ്റ്, വെള്ള നിറമായിരിക്കും. പൂക്കള് വിടര്ന്നു നില്ക്കുന്ന കാഴ്ച ഏറെ മനോഹരമാണ്. ഇതുകൊണ്ട് അലങ്കര ചെടിയായും നിത്യവഴുതന വളര്ത്തുന്നു. പൂക്കള് നാല് ദിവസം കൊണ്ട് കായ് ആയിമാറും. നല്ല വളര്ച്ചയുള്ള ചെടിയില് നിന്നും ദിവസേന കാല്കിലോ വരെ കായ ലഭിക്കും.
സൂര്യപ്രകാശമുള്ള ചരല് കലര്ന്ന മണ്ണാണ് ഇവയ്ക്ക് പറ്റിയത്. ഒന്നരയടി ആഴത്തിലും വീതിയിലും നീളത്തിലും കുഴികളെടുത്ത് മേല്മണ്ണും ചാണകപ്പൊടിയും ചേര്ത്തു മൂടിയ ശേഷം വിത്തുകളോ തൈകളോ നടാം. ഒരുതടത്തില് രണ്ടു തൈകള് സാധാരണ നടാറുണ്ട്. കാര്യമായ വള പ്രയോഗമൊന്നും തന്നെ ഈ ചെടിക്ക് ആവശ്യമില്ല. ഉണങ്ങിയ ചാണകപ്പൊടി, ഇല കൊണ്ടുള്ള പുതയിടല് എന്നിവയാണു സാധാരണ വള പ്രയോഗം. മട്ടുപ്പാവിലും ഗ്രോ ബാഗിലും വളര്ത്താം. സാധാരണ ഗ്രോ ബാഗ് തയാറാക്കുന്നതു പോലെ തന്നെ മതി നിത്യവഴുതനയ്ക്കും. പടരാനുള്ള സൗകര്യം ഒരുക്കണമെന്നു മാത്രം. ജൈവ വളമൊരുക്കാനും നിത്യവഴുതന ഉപയോഗിക്കാം. മൂപ്പെത്താത്ത കായ പറിച്ച് നാലായി പിളര്ന്ന് വെള്ളത്തിലിടുക. കായയ്ക്കുള്ളിലെ റെസിന് എന്ന പശയടങ്ങിയ വെള്ളം ജൈവ കീടനാശിനി കൂടിയാണ്. കാര്ഷിക സര്വ്വകലാശാലകളുടെ വിവിധ കാമ്പസുകളില് നിത്യവഴുതനയുടെ വിത്ത് ലഭിക്കും.
പേരില് മാത്രം വഴുതനയോട് സാമ്യമുള്ള വള്ളിച്ചെടിയാണ് നിത്യവഴുതന. വളരെ വേഗം പടര്ന്നു പന്തലിച്ച് നിത്യവും വീട്ടാവിശ്യത്തിനുള്ള കായ്കള് തരുന്നതു കൊണ്ടാണിതിനു നിത്യവഴുതനയെന്ന നാമകരണം ലഭിച്ചത്. ഇംഗ്ലീഷുകാര്…
By Harithakeralam
ഏതു കാലാവസ്ഥയിലും നല്ല വിളവ് തരുമെങ്കിലും വെണ്ടയ്ക്ക് പ്രിയം വേനലാണ്. നല്ല വെയിലും അന്തരീക്ഷത്തില് ചൂടുമുള്ള കാലാവസ്ഥയില് വെണ്ട നല്ല പോലെ വിളവ് തരും. ഇതിനായി ചില പ്രത്യേക മാര്ഗങ്ങള് സ്വീകരിക്കണമെന്നു…
By Harithakeralam
കൈപ്പായതിനാല് പലര്ക്കും പാവയ്ക്കയോട് വലിയ താത്പര്യം കാണില്ല. എന്നാല് നിരവധി ഗുണങ്ങള് നിറഞ്ഞ പച്ചക്കറിയായ പാവയ്ക്ക. ആഴ്ചയില് ഒരിക്കലെങ്കിലും പാവയ്ക്ക കഴിക്കുന്നത് ആരോഗ്യത്തിന് ഏറെ നല്ലതാണ്. പ്രമേഹ…
By Harithakeralam
വേനല് ശക്തമാവുകയാണ് കേരളത്തില്. കാര്ഷിക മേഖലയിലാണ് ഇതുവലിയ പ്രശ്നം സൃഷ്ടിക്കുന്നത്. പണ്ടു കാലത്ത് നമ്മുടെ പൂര്വികര് പ്രയോഗിച്ചിരുന്ന ചില മാര്ഗങ്ങള് പ്രയോഗിച്ച് ചൂടിനെ ചെറുക്കാന് ശ്രമിക്കാം.
By Harithakeralam
ഗ്രോബാഗില് കൃഷി ചെയ്യുന്ന നിരവധി പേരുണ്ട് നമ്മുടെ നാട്ടില്. സ്ഥലപരിമിതി ഏറെയുള്ള കേരളത്തില് സ്വന്തമായി പച്ചക്കറികള് വിളയിക്കാന് മികച്ചൊരു മാര്ഗമാണ് ഗ്രോബാഗ് കൃഷി. ടെറസിന് മുകളില് ഗ്രോബാഗില്…
By Harithakeralam
ദിവസവും കുറച്ചു പഴങ്ങള് കഴിക്കുന്നതു നമ്മുടെ ആരോഗ്യത്തിനേറെ നല്ലതാണ്. മിക്ക പഴങ്ങളും തൊലി ചെത്തിക്കളഞ്ഞാണ് ഉപയോഗിക്കുക. ഈ തൊലികള് മാലിന്യമായി വലിച്ചെറിയാതെ അടുക്കളത്തോട്ടത്തിലെ പച്ചക്കറികള്ക്ക്…
By Harithakeralam
വെയിലത്ത് നല്ല പോലെ നനയ്ക്കുകയും വളങ്ങള് നല്കുകയും ചെയ്താല് വെണ്ടയില് നിന്നു മികച്ച വിളവ് ലഭിക്കും. മൊസൈക്ക് രോഗം, തണ്ടുതുരപ്പന്, ഇലചുരുട്ടിപ്പുഴു എന്നിവ ഈ സമയത്ത് വെണ്ടയില് പ്രശ്നം സൃഷ്ടിച്ചു തുടങ്ങും.…
By Harithakeralam
ചൂട് കടുത്തു വരുകയാണ് കേരളത്തില്. ഈ സമയത്ത് പച്ചക്കറികള്ക്ക് നല്ല പരിചരണം ആവശ്യമാണ്. ഇല്ലെങ്കില് അവ നശിച്ചു പോകും. പഴമക്കാര് പ്രയോഗിച്ചിരുന്ന ചില നാട്ടറിവുകള് നമുക്കും പിന്തുടര്ന്നു നോക്കാം. ഗ്രോബാഗിലും…
By Harithakeralam
© All rights reserved | Powered by Otwo Designs
Leave a comment